كيف تعرف انك في فيلم عربي؟

**azadooo** السبت أكتوبر 11, 2008 5:23 pm

كيف تعرف انك في فيلم عربي؟

عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
بكل سهوله...

*******

عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور..

*******

عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
وتلاقي البطلة في الفيلم مصيّفه

*******

عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان

*******

عندما يكون من المستحيل ان تجد الهاتف مشغول والطرف التاني يرد من قبل ما يسمع الرنة

*******

العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي

*******

عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي

*******

عندما يصاب البطل بطلق ناري في قلبه وتنزف الدماء من بطنه ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين

*******

عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء

*******

عندما تجد مقر العصابة ملئ بالقش والبراميل الخشبية

*******

عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو